「生日快樂呀！」「終於踏入三字頭啦你哈哈！」「快啲搵人要咗佢啦！」
今日是我三十歲生日。同事們嘻嘻哈哈地幫我慶祝生日，我卻無法高興起來。因為我的生日，大概都要在公司通宵渡過。
女朋友為了與我慶祝生日，早已請了假、Book 了我最愛的餐廳，我卻無法赴約。我苦笑地看著自己剛打的千字道歉文，她今日已是第 18 次由在線變成只有最後上線時間，唯獨是沒有回覆我。
在她眼中，她的男朋友只不過是一個把工作放得比自己高的工作狂罷了。
是的，我的確是把工作放在第一位，伴侶、家人、朋友，只不過是休息日的節目，如果假日工作需要我，我會推掉所有約會而準時到達公司。
所以，大家都叫我「藍田黎生」。
甚麼？你問我是否喜歡工作？當然不是，我對現在的工作厭惡之極，每天上班就在想下班，哪有傻瓜喜歡工作的？
公司來了一批年輕人，說是甚麼實習生，就像個傻瓜一樣，滿腔熱血、希望闖一番事業。不會的，不會找得到。
因為我曾經都是一個傻瓜。
數年前我都像他們一樣，在職場上揮灑汗水、追逐夢想。但數年後，已經被磨得毫無棱角，不知由何時開始，我失去了工作的熱情，只反射地服從老闆的要求，沒有再正視過自己想要甚麼。
「喂，今日你生日喎，仲未走既？」同事正收拾細軟，準備離開。「無啦，唔搞埋個 Project 邊有得走，睡袋我都帶埋啦。」我從抽屜中拿出深黑色的睡袋，示意我並非說笑。
「嘩，你就嚟可以嫁比公司，賣身咁賣喎。」我只能苦笑，或者賣身的都沒有我這般勤勞。
不經不覺，連地鐵尾班車都沒了。我伸個懶腰，打算沖杯咖啡提提神。
沒想到竟然茶水間還有人在，探頭一看，原來是 Senior 的同事 Janet，彼此都嚇了一跳，隨即哈哈大笑，便攀談起來。我禁不住向她吐吐苦水，表示被工作折磨得相當痛苦。
「咁點解你唔搵份啱自己嘅工？」Janet 聽完我的心路歷程，一臉好奇地問我。「搵食囉！唔通 30 歲先轉行？」我理所當然地道。
「點解做自己鍾意做嘅嘢就搵唔到食？」我一時為之語塞，Janet 繼續講，「可能無你呢一刻搵咁多，但如果做你鍾意做嘅嘢，你又覺得值唔值？」
我從沒想過嗎？也許是。又或者，是我刻意躲避它。
➤ 延伸閱讀：【職場反思】覺得自己懷才不遇？跳出自己嘅 Comfort Zone 先再講
「其實係咩都唔緊要，」Janet 見我沉吟不語，就繼續講「有啲人會將收入、家庭擺首位，所以份工穩定、收入對佢嚟講最重要，只要唔太難頂就 ok。」
「當你知道生命中最重要嘅係咩，就可以落到決定，亦唔會咁辛苦。」Janet 呷了一口咖啡，「我雖然成日都要 OT，但佢係我嘅 Dream Job；我亦都知道想去到某個高度，呢個係必經過程。至少，我 Enjoy 呢個過程。」
聽完 Janet 咁講，令我再次沈默。其實，我不是不知道這個道理。
我曾經都有熱血過。
記得畢業後第一份工作，我每天都是早返遲放，人工再低也不緊要，只想著在職場上闖一番事業。當時，老友 John 毫不留情地向我撥冷水，「你一年後仲做緊先再講啦。」我冷笑一聲，總認為我不會輕言放棄。
我好想對 John 說，你錯了，我三年後仍然在這間公司工作，只是滿腔熱血早己不知所縱。
我已不記得是甚麼時候了，或許當自己被社會、制度一步步磨蝕，目標成為了夢想，逐漸變得遙不可及，亦再沒動力去追、去幻想。每日的願望只想早點收工，貪多一點點休息時間。
離開 Office 前，Janet 最後還對我說了句，「做你鍾意做嘅嘢，叫 Career；為三餐打份工嘅，叫 Job。無話邊樣好啲，只係你自己個心想點。」
回到家中，我看到女朋友為我準備的蛋糕，仍未燃點的蠟燭穩穩地插在蛋糕上，我情不自禁許下願望，「今日我 30 歲，我想搵返我嘅 Career」。
遇到更多、更複雜的職場問題？
我們提供專業 Career Coach、Counsellor 幫你一對一解決各種職場疑難，以及改善職場心理健康。如果你有解不開的困難，又或者想尋求職場上的專業建議，可以到這裡預訂一對一職場服務，或者透過 2391 2928 或 info@dozenbase.com 聯絡我們！